Karaoké Lamentu di u banditu Maï Pesce

Sò for di strada per tutta la mio vita

Soca ne era tracciata la me sorte

Di campà solu pè la macchja fiurita

E cundannatu à fa la malamorte

Per mè la pace hè sempre finita

Induve passu mi chjodenu le porte

Di li gendarmi ne faciu una risia

Ancu per esse un grossu battalione

U più ch'è temu hè piuttostu la spia

Chì corre appressu à lu dettu taglione

Ma s'ella manca è ch'è salvu ne sia

Sarà l'esempiu di tuttu lu rughjone

A zitellina ùn sò se mi rammentu?

E l'allegria hè fughjita luntanu

Per fà la piazza à stu longu turmentu

Ch'eo ne passu da lu monte à lu pianu

Cusì espostu à qualchi tradimentu

D'un falsu amicu chì mi porghje la manu

Cusì espostu à qualchi tradimentu

D'un falsu amicu chì mi porghje la manu